Partia Demokratike ndodhet në momente kritike të organizimit të saj, kjo pasi përpos përçarjeve të brendshme, në 29 korrik mblidhet kryesia për të vendosur për kryetari e ri.
Sakaq, Gazment Bardhi ka thirrur sot një mbledhje të grupit parlamentar demokrat.
Qëllimi i kësaj mbledhje është diskutimi rreth vendimeve për mbledhjen e Këshillit Kombëtar, si edhe situatën në të cilën ndodhet partia.
“Në orën 14:00 Gazment Bardhi mbledh Grupin Parlamentar të PD. Ne fund te mbledhjes pritet deklarate. Do te diskutohet për situatën në PD zyrtare, vendimet e kryesisë për mbledhjen e Këshillit Kombëtar”, thuhet në mesazhin që u ka shkuar deputetëve.
Sakaq, në një publikim zyrtar është bërë e ditur se ditën e nesërme do të mblidhet edhe Këshilli Kombëtar.
“Të nderuar anëtarë të Këshillit Kombëtar të PD, mbledhja e thirrur nga kryesia do të zhvillohet në datën 20 qershor në sallën Classic të Hotel Tirana International, në orën 12.00. Ftohen anëtarët e Këshillit Kombëtar të jenë prezent në këtë mbledhje me shumë rëndësi për Partinë Demokratike”, thuhet në njoftimin e shpërndarë në rrjetet sociale.
