Gazetari Artan Hoxha ka dhënë detaje nga dosja hetimore për ish-kryebashkiakun e Kujësit, Safet Gjici, lidhur me video-skandalin në zyrën e bashkisë.
I ftuar në “Të Paekspozuarit”, Hoxha tha se policia gjyqësore ka marrë deklarime të zyrtarëve të bashkisë dhe vajzës në video, por nuk ka thirrur Gjicin.
Sipas Hoxhës është përfolur që Gjici ndodhet në Dubai, por në ish-kryebashkiaku është në Shqipëri.
Hoxha: Policia gjyqësore ka marrë deklarime të personave të tjerë, edhe persona të stafit të bashkisë së Kukësit. Është marrë vajza e filmimit. Pjesë e hetimit është edhe pse u bë video. Është kërkuar edhe pajisja që bëri regjistrimin, cili ka qenë objektivi, pse është bërë filmimi, etj.
Zoti Gjici nuk është thirrur, do të thotë që duan të kenë plotësuar të gjithë puzzle në momentin që do të thërrasin zotin Gjici. Në raste të tjera, si Shukri Xhelili, u veprua edhe më shpejt.
Publikimi ka nxjerrë jashtë kontrollit të gjithë planin për shantazhin. Rrugës, ata që e kanë bërë këtë punë, nuk e kanë mbajtur dot regjistrimin. Nuk e kanë ruajtur dot dhe ka rrjedhur.
Thonë iku në Dubai, por Gjici nuk ka kaluar kufirin dhe është brenda territorit të Shqipërisë.
