Virusi i rënë në fermat e derrave në rajonin e Ballkanit ka vënë në alarm dhe Shqipërinë. Në takimin e përbashkët mes Ministrisë së Bujqësisë, veterineve dhe gjuetarëve u paraqit një situatë për ndikimin e të ashtuquajturës murtaja e derrit afrikan.
“Jemi fatlumë që deri në momentin që flasim nuk kemi përhapje të murtajës afrikane të derrave në Shqipëri,”- tha ajo.
Por ekspertët u shprehën se sëmundja nuk prek njerëzit. Autoritetet kërkuan nga veterinerët të raportojnë kur ka simptomat dhe gjuetarët për çdo kafshë të ngordhur që mund të gjejnë në pyje në mënyrë që të izolojnë virusin.
Për të monitoruar situatën është ngritur edhe një grup i posaçëm në Ministrinë e Bujqësisë.
Murtaja afrikane e derrave (MAD) është një sëmundje ngjitëse virale që shkakton ethe hemorragjike në derrat e butë dhe derrat e egër që shpesh shoqërohet me letalitet deri në 100%. Si rezultat, MAD mund të ndikojë rëndë në produktivitetin e sektorit të derrit.
