Shay Logan është futbollist i klubit të divizionit të dytë skocez, Cove Rangers, por karrierën e tij si profesionist e ka nisur tek Manchester City në vitin 2007.
Logan nuk e realizoi karrierën e madhe që ishte paralajmëruar dhe tani ka postuar një video në Twitter në të cilën rregullon projektorët në stadiumin e Aberdeen, ku ishte edhe lojtar.
Performing under the light's
To making sure the lights perform
#Pittodrie #Ball2Ropes
pic.twitter.com/eJnIVpWOmm
— Shaleum logan (@Shay2920) June 26, 2023
“Nga loja nën projektorët tek rregullimi i tyre”, ka thënë Logan në video, e cila e tregon atë në lartësi prej 15 metra mbi tokë i mbajtur me një lidhëse.
Përveç kësaj, Logan zbuloi katër vjet më parë se kur ishte anëtar i skuadrës së Aberdeenit në Premierligën e Skocisë, ai mësonte edhe punën si hidraulik.
Më pas, në një intervistë për BBC, ai tha se nuk donte të qëndronte në futboll pas karrierës së tij si lojtar, por dëshironte të ndiqte një punë tjetër.
Ai ishte i vetëdijshëm se nuk po bënte shumë para, jo aq të mëdha sa për të jetuar deri në pension, ku nisi të bëjë punë të tjera. Prandaj, pas stërvitjes, ai bëri punë hidraulike me një mik.
Logan e filloi karrierën e tij profesionale në futboll në vitin 2007 me Man Cityn. Ai gjithashtu ka luajtur për Grimsby Town, Scunthorpe United, Stockport, Tranmere Rovers, Brentford, Aberdeen dhe Heart of Midlothian.
Sipas Transfermarkt, vlera e tij më e lartë ishte 600 mijë euro.
