Herë pas here, Dua Lipa ndan me ndjekësit librat që ka lexuar së fundmi. Gjatë pushimeve të këtij muaji, këngëtarja gjeti kohë për të përfunduar jo një, por dy libra.
Dy librat janë nga pena brilante e Ismail Kadaresë: “Three elegies for Kosovo” dhe “A girl in exile”.
Libri i parë, titulli në origjinal i të cilit është “Tri këngë zie për Kosovën”, përbëhet nga tri tregime, “Lufta e vjetër”, “Zonja e madhe” dhe “Lutje mbretërore”, të cilat bëjnë fjalë për Betejën e Kosovës më 1389-n dhe pasojat e saj.
Libri i radhës, me titull në origjinal “E penguara, Requiem për Linda B.”, është një libër për vajzat shqiptare që u lindën e u rritën në internim.
Sipas Kadaresë, “Libri flet për një njeri të penguar. Zakonisht në traditën e letërsisë botërore pengesën e krijon fati, këtu është përshkruar një pengesë e një tipi të ri më të vonshëm se fati, pengesa e shtetit. I kushtohet të gjithë vajzave shqiptare që kanë pësuar internimin.”
