I dërguari i Bashkimit Evropian për dialogun Kosovë-Serbi, Miroslav Lajçak, përmes një postimi në rrjetet sociale thekson se gjatë qëndrimit në Greqi është takuar me kryeministrin e Kosovës Albin Kurti.
Lajçak shkruan se në këtë takim me Kurtin ka diskutuar për situatën aktuale në veri dhe zbatimi i të gjitha marrëveshjeve të dialogut.
“Në Simpoziumin e Symit të këtij viti, pata një diskutim të dobishëm me kryeministrin Albin Kurti, për situatën aktuale në veri të Kosovës dhe rrugën përpara drejt deeskalimit dhe zbatimit të të gjitha marrëveshjeve të dialogut”, shkruan Lajçak në Twitter.
At this year’s Symi Symposium, I had a useful discussion with Prime Minister @albinkurti about the current situation in the north of Kosovo and the way forward towards de-escalation and implementation of all Dialogue agreements. pic.twitter.com/A9cC6xAGmh
— Miroslav Lajčák (@MiroslavLajcak) July 18, 2023
Nga ana tjetër kryeministri Kurti përmes një postimi në rrjetet sociale shkruan se ishte një takim ku është biseduar për uljen e tensioneve dhe normalizimin e marrëdhënieve me Serbinë.
“Pata një bisedë të gjatë me të dërguarin special të Bashkimit Evropian për dialogun mes Kosovës dhe Serbisë, Miroslav Lajçak, në margjinat e Simpoziumit të 25-të të SYMI në Kretë. U bisedua për uljen e tensioneve dhe normalizimin e marrëdhënieve me Serbinë. Ne mbetemi të përkushtuar. Moti ishte shumë më i nxehtë se diskutimi ynë”, ka shkruar Kurti.
