Ne e presim me padurim verën që të shijojmë motin e ngrohtë, por ky mot i nxehtë mund të dëmtojë shëndetin e meshkujve të moshës së mesme.
Në veçanti, sipas një studimi kanadez, meshkujt rreth të gjashtëdhjetave janë në rrezik më të lartë të sulmit në zemër dhe goditjet në tru në mbrëmjet e verës dhe kur atmosfera është më e mbytur.
Në fakt, edhe një rritje e vogël prej një gradë celsius në temperaturat mesatare të natës në qershor dhe korrik është e barabartë me një rritje prej 5% të vdekjeve në këto kushte.
Studiuesit regjistruan më shumë se 40,000 vdekje nga komplikimet kardiovaskulare në Mbretërinë e Bashkuar gjatë 15 viteve të fundit.
Studiuesit u fokusuan te fakti se si po ndikojnë temperaturat e larta gjatë natës në Mbretërinë e Bashkuar dhe pjesë të SHBA-së, dy zona që kanë regjistruar rritje dekadën e fundit.
Nga studimi u zbulua se 69% e meshkujve të moshës 60 deri në 65 vjeç janë në rrezik për shkak të kushteve të motit, por jo femrat. Konkretisht, një rritje prej një gradë celsius u shoqërua me një rritje prej 3.1% të vdekjeve të lidhura me sëmundjet kardiovaskulare te meshkujt e moshës 60-64 vjeç në MB dhe 4.8% në të njëjtën grupmoshë në SHBA.
