Greqia nën “pushtetin” e flakëve/ Peleshi: Gati të japim ndihmën tonë

113 563 lexime

124,178FansaPëlqeje

Ministri i Mbrojtjes Niko Peleshi ka bërë të ditur se Shqipëria është e gatshme që të ndihmojë Greqinë për të përballuar situatën e zjarreve masive në të cilën është përfshirë.

Teksa ka shprehur ngushëllimet për dy pilotët që humbën jetën ditën e djeshme teksa po përpiqeshin të shuanin flakët në ishullin grek Evias, Peleshi shkruan se Shqipëria është në krah të shtetit grek në këto ditë të vështira.

Solidarizohemi me Greqinë dhe jemi të gatshëm të ndihmojmë në çdo mënyrë që mund të nevojitet. Të jemi në krah të tyre në këto ditë të vështira është një detyrë humane dhe morale.

Humbja e dy pilotëve tregon shërbimin e paçmueshëm të çdo ushtaraku, që është i gatshëm të mbrojë jetën dhe sigurinë e qytetarëve të vendit duke luftuar çdo verë dhe duke rrezikuar jetën për të shuar zjarret. Ngushëllimet më të thella për familjet e viktimave në këto momente të vështira”, shkruan Peleshi.

Greqia është përfshirë ditët e fundit nga një valë masive e zjarreve si pasojë e temperaturave të larta. Përveç dëmeve të mëdha që kanë sjellë zjarret ato janë shoqëruar edhe me humbjen e jetëve të dy pilotëve grekë.

Këta të fundit po përpiqeshin të shuanin flakët në ishullin Evias kur humbën kontrollin e avionit që më pas shpërtheu në flakë.

Në këtë mënyrë, Shqipëria është treguar e gatshme për të dhënë ndihmën e saj ndaj Greqisë teksa edhe vendi ynë ka rënie të zjarreve edhe pse në mënyrë sporadike, ku ditën e sotme janë përfshirë nga flakët masivet pyjore të Peshtanit dhe Kreshpanit në Fier.

Të fundit

Befason Eleni Foureira: Bashkëshortin e fal nëse tradhton!

Eleni Foureira foli hapur për vështirësitë me të cilat përballej me ankthet e saj si nënë dhe pikëpamjet e...

Merrte pako me kanabis nga SHBA-ja në pikat postare, arrestohet 32-vjeçari në Elbasan

Në një operacion të përbashkët, janë goditur dy raste të trafikimit të Cannabisit me përqindje të lartë THC, të ardhur nga SHBA, me destinacion...

Zbardhen detaje të sherrit mes kushurinjëve në Fier, babë e bir shoqërohen në polici

Një sherr mes kushërinjve ka përfunduar në dhunë fizike me sende të forta në fshatin Cakran të Fierit. Ngjarja ka ndodhur mbrëmjen e djeshme, ku...

BSH: Çmimet e apartamenteve u rritën me 44.5% vetëm në 6 mujorin e dytë të 2024-ës

Banka e Shqipërisë vlerëson se çmimet e banesave iu kthyen rritjes së shpejtë në gjashtëmujorin e dytë të vitit të kaluar. Indeksi Fischer i përllogaritur...

Ceremonia mortore e Papa Françeskut/ Të rinjtë mbushin sheshin e Vatikanit

Në ceremoninë mortore në nderim të Papa Françeskut të bie në sy numri i lartë i të rinjve që kanë mbushur mëngjesin e sotëm,...

Lajme të tjera

Web TV