Real Madrid dhe Manchester United janë përballur në një miqësore luksi në NRG Stadium të Houstonit në SHBA.
Ka qenë një ndeshje spektakolare ku në fund ishin madrilenët që fituan me rezultat të pastër 2-0.
Në fakt Los Blancos fituan me dy gola të jashtëzakonshëm në këtë sfidë, një në pjesën e parë dhe një tjetër në fund të ndeshjes.
Vetëm pas gjashtë minutash lojë, Jude Bellingham u shërbye nga Antonio Rudiger dhe me parabolë mposhti Andre Onanan për 1-0.
Të dyja skuadrat kishin raste të mira shënimi, por gola nuk pati deri në fundin e ndeshjes, ku Lucas Vazquez asistoi për mrekulli te sulmuesi Joselu i cili realizoi gol të jashtëzakonshëm biçikletë për të vulosur rezultatin përfundimtar 2-0.
