Tirana sfidon Besiktas në Air Albania, në ndeshjen e kthimit të turit të dytë të Conference League. Skuadra turke ka fituar 3-1 në takimin e parë, teksa edhe sot janë favoritë absolut.
Orges Shehi ka bërë katër ndryshime në formacionin krahasuar me takimin e parë në Stamboll, sfidë që u humb 3-1. Bruno Lulaj, Rimal Haxhiu, Ardit Deliu dhe braziliani Kaina do e nisin nga minuta e parë ndeshjen në “Air Albania”.
Trajneri ka spostuar kapitenin Najdovski në rolin e “shkatërruesit”, teksa Regi Lushkja do të jetë pas dyshes ofensive, Kaina-Hasani.
