Gianluca Scamacca do të jetë futbollist i ri i Interit, edhe pse duhet pritur edhe pak për marrëveshjen përfundimtare.
Në fakt sulmuesi italian ka gjetur tashmë marrëveshjen personale me Interin dhe pret që dy klubet ta bëjnë një gjë të tillë.
West Ham është i vendosur të fitoj 30 milionë euro nga shitja e lojtarit, ofertë që ende nuk është rritur nga zikaltërit.
Inter i është afruar 25 milionëve bashkë me bonuset dhe diferenca që ndan palët është tashmë 5 milionë euro.
Vullneti i lojtarit, që është vetëm Interi, mund ta tejkalojë këtë ngërç të fundit, teksa ‘La Gazzetta dello Sport’ njofton se italiani mund të jetë pjesë e Interit në fillim të javës së ardhshme.
Dy klubet do të kenë një takim ditën e sotme ku do të mundohet të zgjidhet gjithçka dhe Scamacca t’i bashkohet zikaltërve.
Debutimi i sulmuesit italian pritet të bëhet në ndeshjen miqësore ndaj skuadrës shqiptare Egnatia më 13 gusht.
