Modelja e njohur Bella Hadid ka ndarë me rreth 60 milionë ndjekësit e saj në instagram momentet më të vështira që po kalon me shëndetin. Ajo është duke u trajtuar nga një infeksion bakterial të cilës i është rishfaqur së fundmi.
Që prej vitit 2012, Bella është diagnostikuar me një sëmundje që quhet ‘Lyme’, e shkaktuar nga bakteri ‘Borrelia burgorferi’ dhe transmetohet tek njeriu nga këpushat.
Në postimin e saj Bella ka falenderuar të gjithë stafin mjekësor për përkujdesjen dhe njerëzit që i kanë ndenjur afër në momentet më të vështira si dhe ka ndarë disa foto nga arkivi i saj personal që tregojnë gjendjen shëndetësore në muajt e fundit.
“I jam mirënjohëse nënës sime që mban të gjitha dosjet e mia mjekësore, ishte pranë meje, nuk më la kurrë, më mbrojti, më mbështeti, por mbi të gjitha që besoi në mua”, nisi rrëfimin modelja e njohur.
“E vetmja gjë që dua t’ju them të gjithëve. Para së gjithash, unë jam mirë, nuk ka asgjë për t’u shqetësuar. Së dyti, nuk do të ndryshoja asgjë për botën. Nëse do të më duhej të kaloja përsëri të gjitha këto për të arritur këtu, pikërisht në këtë moment në të cilin jam tani, me të gjithë ju, do t’i bëja të gjitha. Më bëri kjo që jam sot. Universi funksionon në mënyrat më të dhimbshme dhe të bukura, por më duhet të them që nëse luftoni, gjithçka do të funksionojë. Unë premtoj të qëndroj e fortë, të besoj në veten time dhe në më të mirën, atëherë retë do të fillojnë të shpërndahen. Ndjej mirënjohje të madhe për këto 100+ ditë trajtim”, vazhdoi Bella.
View this post on Instagram
(@bellahadid)
