Harry Kane duhet të presë për t’u zyrtarizuar si sulmuesi i ri i Bayern Munchen. Sipas shtypit anglez, Tottenhami ka bllokuar transferimin e sulmuesit te kampionët e Gjermanisë. Pasi drejtuesit janë penduar për pranimin e 100 mln paundëve nga Bavaria.
30-vjeçari pritej të fluturonte drejt Gjermanisë për të kryer testet mjekësore, dhe më pas të zyrtarizohej te Bayerni. Por, siç duket transferimi ka ngecur për momentin. Nga ishulli raportohet se presidenti i Tottenhamit, Daniel Levy e vlerëson sulmuesin plot 120 mln paund. Pra 20 më shumë nga oferta e gjigantëve gjermanë.
Te Bayerni kishin planifikuar që goleadori dhe kapiteni i Spurs të regjistrohej deri të premten, në mënyrë që të ishte i gatshëm për sfidën e fundjavës me Leipzigun.
Kane është bllokuar në aeroport dhe duhet të presë për të nisur aventurën e tij të parë jashtë Britanisë së Madhe. Nuk dihet nëse Bayerni do të përmbushë kërkesat e klubit londinez, apo presidenti Levy do të heqë dorë nga lojërat e tij dhe fiksimet e tij…
