Ndërhyrja e menjëhershme e gruas së tij shpëtoi nga vdekja e sigurt një 53-vjeçar. Teksa ky i fundit po shikonte televizor, ra në divan pa ndjenja. Ai kishte kaluar në arrest kardiak dhe zemra nuk i rrihte.
Për fatin e tij të mirë, gruaja e tij, Chris kishte marrë një kurs CPR si pjesë e punës së saj, një kurs që i shpëtoi jetën. Duke ditur se çfarë të bënte, ajo e zhvendosi atë nga divani në dysheme, thirri 911 dhe filloi presimin në gjoks. Pas gati 10 minutash, mjekët ndihmës mbërritën, filluan CPR në mënyrë të specializuar dhe e lidhën me një defibrilator të jashtëm të automatizuar. U deshën shtatë goditje nga defibrilatori për të vendosur një ritëm të qëndrueshëm të zemrës.
Më pas ai u dërgua në spital, ku u rikuperua gradualisht. Sa i përket fazës së rikuperimit, ai kaloi pak më shumë se një muaj në ambientet spitalore, shumë më pak nga sa kishin parashikuar mjekët, duke u kthyer në shtëpi në shtator 2019. Vetëm kohët e fundit, rreth katër vjet pas arrestit kardiak, ai ndjehet plotësisht i shëruar. Mirëpo, nëse gruaja e tij nuk do të kishte vepruar në kohë, 53-vjeçari nuk do mund të shpëtonte dot.
