Mbi 12 milionë rrënjë ullinjë, numërohen në gjithë territorin e vendit, 10 milionë prej të cilave janë aktualisht në prodhim.
Kryeministri Edi Rama ndau sot në rrjetet sociale, pamje nga kodrat me ullinj në fshatin Dushk të Lushnjës, të cilat i cilësoi si “kodrat e jetës”.
Në gjithë vendin janë rreth 250 fabrika që prodhojnë vaj ulliri dhe 95 % e prodhimit të ullirit shkon për prodhimin e vajit, sipas të dhënave të Ministrisë së Bujqësisë.
Për periudhën janar -qershor 2023, u eksportuan 1,400 ton vaj, kundrejt 326 ton vaj që u eksportuan në total në 2022. Krahasuar me 2022 eksportet deri në muajin qershor janë 3-fishuar.
Ministria e Bujqësisë dhe Zhvillimit Rural, njofton se këtë vit, parashikon ngritjen e laboratorëve të akredituar me qëllimin ofrimin falas së analizave për cilësinë e vajit të ullirit.
Po ashtu parashikohet edhe shtimi i kapaciteteve grumbulluese, depozituese, paketuese dhe të etiketimit të vajit të ullirit.
Qeveria ka mbështetur fermerët që kultivojnë ullinj me naftë pa taksa për punime të mekanizuara, duke i lehtësuar ata nga kostot e prodhimit.
Lushnja konsiderohet zona bujqësore më e rëndësishme e Shqipërisë me prodhime blegtorale, të bimëve të arave, perimeve e bostanoreve në zonat e ulëta, si dhe me ullinj, drufrutorë e vreshta në zonat kodrinore.
