Milan e nis shumë mirë sezonin e ri, duke fituar 0-2 në fushën e Bologna-s. Një ndeshje e zgjidhur për 10 minuta lojë, nga minuta e 11-të deri në 21′.
Sezon i ri, zakon i vjetër për Oliver Giroud. Sulmuesi veteran francez shënoi golin e parë sezonal për kuqezinjtë. Në minutën e 11-të, pas krosimit të Pulisic, Rejnders asiston për Giroud, që falë përvojës së tij, e dërgon topin në rrjetë për 0-1.
Më pas, në minutën e 21-të, pas një lëvizjeje të zgjuar të Giroud, Pulisic shkarkon të djathtën, me topin që përfundon në rrjetë dhe 0-2 për Milan.
Milani u duk disi më i tërhequr në pjesën e dytë, sidomos në fund, por sa herë dilte në kundërsulm, ishte i rrezikshëm, sic ishte shtylla e Leaos në minutën e 90-të. Nuk pati më histori gjatë kësaj sfide, me Milan që merr fitoren e parë dhe konfirmon formën e mirë.
