Është kërcënuar me jetë këtë të hënë shkrimtari i njohur Flamur Buçpapaj.
Policia bën me dije se Buçpapaj është paraqitur në komisariat mbrëmjen e sotme dhe ka kallëzuar se është kërcënuar me jetë nga Eduard Dumi. Mësohet se shkrimtari ka një konflit pronësie me Dumin, për një pronë në Vishnje të Tiranës.
Pas denoncimit nga Buçpapaj, policia ka shoqëruar në komisariat Eduard Dumin. Burime bëjnë me dije se shkrimtari është kërcënuar gjithashtu me familje, për shkak të konfliktit të pronësisë që vazhdon për pesë vitet e fundit.
DVP Tiranë
Sot me datë 21.08.2023, në Komisariatin e Policisë Nr. 6, është paraqitur shtetasi F. B., 65 vjeç, i cili ka kallëzuar se ka konflikt pronësie me shtetasin E. D., për një pronë të ndodhur në fshatin Vishnje, dhe ndihet i kërcënuar prej tij.
Pas depozitimit të kallëzimit, shërbimet e Policisë kanë shoqëruar në komisariat shtetasin E. D.
Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe kryerjen e veprimeve të mëtejshme procedurale./e.t
