Sipas studiueses Deidre Barrett, profesoreshë e psikologjisë në departamentin e psikiatrisë në Shkollën Mjekësore të Harvardit, ëndrrat më të zakonshme të përsëritura priren të jenë negative dhe mund të duhet pak punë për t’u kapërcyer.
Mjafton të shihni të njëjtën ëndërr dy ose më shumë herë që ajo të konsiderohet e përsëritur dhe përsëritja mund të jetë edhe e largët në kohë.
Ëndrrat e përsëritura mund të lidhen me situata që në jetën reale gjenerojnë shqetësim, nervozizëm, ngjarje traumatike. Megjithatë, shpesh ato mund të lidhen edhe me situata të tjera.
Ndërsa disa ëndrra të përsëritura mund të jenë të lehta për t’u interpretuar, për të tjerët mund të jenë më të ndërlikuara dhe këtu nevojitet një analizë më e thellë.
Temat më të zakonshme të ëndrrave të përsëritura janë gjithashtu situata që gjenerojnë ankth si pa përgatitja, ndjenja e pamjaftueshmërisë dhe frika.
Njerëzit që vuajnë nga stresi post-traumatik, për shembull, shpesh priren të kenë ëndrra të përsëritura që gjenerojnë ankth.
Disa sjellje të gabuara mund të ndikojnë në shpeshtësinë e ëndrrave të përsëritura. Këto përfshijnë marrjen e kafeinës para se të shkoni në shtrat ose të pini alkool, të punoni vonë ose të flini pak në përgjithësi./ S.M
