Teksa sesioni i ri parlamentar pritet të nisë këtë shtator, duket se brenda opozitës po ndodhin zhvillime të reja.
Ditën e mërkurë, kryetari i Partisë Demokratike, Lulzim Basha ka zhvilluar një takim me kreun e Partisë Agrare Ambientaliste, Agron Duka dhe kreun e Lëvizjes për Zhvillim Kombëtar, Dashamir Shehi.
Në takimin e zhvilluar në një ambient publik, ka qenë i pranishëm edhe deputeti i PD, Kreshnik Çollaku, një nga mbështetësit më të fortë të grupimit të Bashës i cili ka kritikuar publikisht veprimet politike të Sali Berishës.
Ndonëse mbetet e paqartë se çfarë kanë diskutuar në këtë takim, duket se Basha po tenton të afrojë aleatët e dikurshëm, si Shehi dhe Duka, të cilët kanë mbajtur një qëndrim neutral sa i përket konfliktit në PD./e.t
