Avokati i njohur Arbër Hoxha në një intervistë televizive ka folur për situatën e mbipopullimit të burgjeve, duke e konsideruar si një fenomen shqetësues.
Mbipopullimi i burgjeve ka bërë që qeveria të shqyrtojmë mënyra alternative për të ulur numrin e të burgosurve.
Në ndryshimet e propozuara, në nenet 137 e më tej, thuhet se gjykata, në rastet kur është kryer një vepër penale e lehte dhe autori i saj përmbush te gjithë kriteret e tjera, me kërkesë te tij, gjykata mund të vendosë zëvendësimin e dënimit me burgim me pagimin e një shumë të hollash në favor të shtetit, duke llogaritur një ditë burgim me 6 mijë lekë të rinj.
Ai denoncoi rastin e burgut të grave, që siç tha është në kushte mizerabël.
“Mbipopullimi është problem, janë rreth 9200 të paraburgosur dhe të dënuar, edhe gra. Kemi vetëm një burg të grave, që është në kushte mizerabël. Është një ndërtesë që ka qenë ndërmarrje bujqësore për magazinimin e patateve dhe pas viteve ‘90 është kthyer në burg grash. Janë disa burgje që janë në kushte mizerabël, ka disa burgje me një farë standardi si ai i Fierit dhe Shkodrës, por mbipopullimi është një shqetësim i madh”, tha avokati./e.t
