Një agresion që duhet të rikthejë Perëndimin në Kosovë

113 563 lexime

124,178FansaPëlqeje

Nga Mero Baze

Sulmi i një grupi terrorist në veri të Kosovës kundër forcave policore atje është sulm ndaj Republikës së Kosovës. Nuk është as incident, dhe as ngjarje e rastësishme. Është sulm i paprovokuar nga policia e Kosovës, dhe akoma më keq, i inskenuar nga serbët për të krijuar dhe një ndjeshmëri ndërkombëtare lidhur me institucionet fetare në Kosovë.

Reagimi i forcave të policisë së Kosovës është proporcional, profesional, dhe i justifikuar në çdo detaj, që nga asgjësimet e deri tek arrestimet dhe marrja nën kontroll e objektit.

Humbja e një oficeri të policisë së Kosovës, është ngjarja më e hidhur që do ta shoqërojë gjatë këtë histori agresioni kundër Kosovës. Aq më tepër që duket qartë se agresorët janë elementë terroristë të trajnuar ose vetë pjesë e strukturave ushtarake apo policore të Serbisë.

Pasojat e këtij sulmi do të jenë të rënda sa i takon të ardhmes së dialogut mes Serbisë dhe Kosovës dhe akoma më tej rreth rëndësisë së pranisë perëndimore në Kosovë.

Efekti i parë i këtij akti do të jetë kthimi i veriut të Kosovës në një “Republikë të KFOR”, ku ndërkombëtarët duhet të marrin situatën e sigurisë nën kontroll dhe të diktojnë paqen dhe bashkëjetesën mes shqiptarëve dhe serbëve atje dhe mbi të gjitha të largojnë elementet kriminal që bëjnë presion mbi bashkëjetesën paqësore.

Kjo është natyrisht një humbje e pjesshme e sovranitetit të Kosovës mbi Veriun, por një postbllok i sigurt kundër përshkallëzimit të konfliktit dhe krijimit të një vatre të re krize në rajon.

Efekti i dytë duhet të jetë serioziteti me të cilin bashkësia ndërkombëtare duhet të marrë situatën në raportet mes Kosovës dhe Serbisë dhe ta nxjerr dialogun nga axhenda burokratike duke e ngritur në një axhendë politike të BE dhe SHBA, siç ka nisur vetë çështja e Kosovës.
Emisarët evropian dhe amerikanë të bisedimeve rreth Kosovës, kanë nevojë për një energji të re të presionit mbi palët, që nuk mund të jetë më kompetencë e tyre, por e liderëve të BE dhe SHBA.

Lexo edhe :  Zgjedhjet nën Lupë: Premtimet që do të kujtojmë, dhe ato që duhet të harrojmë

Efekti i tretë por dhe më i rëndësishmi për Kosovën, është nevoja që më shumë se kurrë ata të forcojnë aleancën me Perëndimin me BE dhe SHBA, të cilët duhet t’i kenë në anën e tyre në këtë histori.

Agresioni i sotëm ndaj Republikës së Kosovës, e kalon të drejtën në anën e Kosovës dhe bashkë me këtë kalon dhe mbështetjen ndërkombëtare ndaj Republikës së Kosovës.

Deklaratat e papërgjegjshme kundër SHBA dhe BE, duhet të marrin fund ose duhet të trajtohen si eksese personale politikanësh të frustruar. Çdokush që përpiqet të armiqësojë Kosovën me perëndimin në këtë situatë është shërbëtori më i mirë i Aleksandër Vuçiç dhe bandave paramilitare që po sulmojnë Kosovën.

Të fundit

Vota e diasporës, afati i fundit i pranimit të zarfeve deri në 19:00!

Të paktën 187,916 vota nga diaspora kanë mbërritur deri më tani. Afati i fundit i pranimit të zarfeve është...

‘Jam duke mbledhur informacion’/ Ambasadori i OSBE/ODIHR në terren: Kemi 240 vëzhgues

Ambasadori Lamberto Zannier, kreu i Misionit të Vëzhgimit të Zgjedhjeve të ODIHR-it ndodhej sot në njësinë numër 10 në Tiranë ku po votohet në...

Nga sot, mund të kemi mbështetje edhe 1 miliardë euro në vit

Fatos Çoçoli Bashkimit Evropian. Do të votojmë dhe po votojmë për forcën politike që mund të na sjellë në këta katër vitet e ardhshme, më...

Ulsi Manja pas votimit: Vota është respekt për veten, familjen dhe Shqipërinë!

Ministri i Drejtësisë, Ulsi Manja, ka ushtruar të drejtën e votës dhe në një prononcim për mediat theksoi rëndësinë e pjesëmarrjes qytetare. “Vota është respekt...

Shpërthim në lagjen “Konferenca e Pezës”, dy të lënduar, mes tyre një zjarrfikës

Mëngjesin e sotëm, një bombol gazi ka shpërthyer në një pallat në lagjen “Konferenca e Pezës”, duke shkaktuar panik në zonë dhe ndërhyrje të...

Lajme të tjera

Web TV