Komisioni Qendror i Zgjedhjeve ka përditësuar të dhënat e pjesëmarrjes në zgjedhjet vendore të Kukësit. KQZ bën me dije se deri në orën 16:00 kanë marrë pjesë në votime reth 36.22% e zgjedhësve.
E përkthyer në numër, mësohet se kanë votuar deri më tani 13,488 zgjedhës nga 37,241 zgjedhës në listën e Qendrave të Votimit të raportuara.
Kujtojmë se përballë në këtë garë janë Emri Vata i koalicionit Bashkë Fitojmë dhe Albert Halilaj i PS-së.
Sipas kreut të KQZ Ilirjan Celibashi gjatë procesit nuk janë hasur problematika.
Nga ana tjetër dy kandidatët kanë bërë thirrje për pjesëmarrje masive në zgjedhjet për Bashkinë e Kukësit./e.t
