Si ndikon dielli te filler-at në fytyrë?

113 563 lexime

124,178FansaPëlqeje

Pavarësisht se vera po ia kalon stafetën vjeshtës, sërish këto ditë të fundit të shtatorit ngjajnë me verën e ngrohtë dhe me temperatura të larta. Kremrat mbrojtës kundër diellit janë vetëm një anë e përkujdesjes ndaj lëkurës, por ka ardhur momenti që dermatologët t’i japin përgjigje një prej pyetjeve që mund të kenë shumë goca: A ndikojnë rrezet e diellit tek filler-at (mbushësit) e fytyrës!

Acidi hialuronik është një substancë natyrale që gjendet në lëkurë dhe e mban atë të hidratuar dhe të shëndetshme. Kur ky acid injektohet në dermë (një nga shtresat e lëkurës) trajton një sërë shqetësimesh nga rrudhat, buzët e holla, vijat anash gojës, trajtimi i rrathëve poshtë syve etj.

Sipas dermatologes Jennifer Lee, llojet e mbushësve të acidit hialuronik ndryshojnë nga njëri-tjetri, në varësi edhe të sasisë që injektohet. Por, kur fytyra ekspozohet ndaj rrezeve të drejtpërdrejta të diellit, rrezet UVA (dëmtojnë lëkurën edhe në ditët me re), apo UVB (rrezet që shkaktojnë diegie në lëkurë), ato mund të depërtojnë në dermë. Nëse kontakti me diellin zgjat shumë, ekziston mundësia e shkatërrimit të rezervave të acidit hialuronik natyral, shpjegon dermatologia Jessie Cheung. Ekspozimi i tepërt në diell bën që mbushësit e lëkurës të treten më shpejt duke zbërthyer acidin hialuronik.

Për këtë fenomen u pyetën mbi 15 dermatologë dhe kirurgë plastikë që në fakt kanë mendime të ndryshme për shkak të faktorëve të ndryshëm:

E para ka të bëjë me termin ekspozim ndaj diellit. Natyrisht, ne e dimë se ekspozimi UV në përgjithësi shkatërron kolagjenin, elastinën dhe acidin hialuronik, por është e vështirë të përcaktohet sasia e rrezeve kur ekspozoheni në diell. Nuk ka një kohëzgjatje specifike të ekspozimit në diell që shkakton prishjen e acidit hialuronik. Ajo ndryshon nga personi në person. Por, dihet se ekspozimi i tepërt ndaj rrezeve ultravjollcë, mund të shpërbëjë acidin hialuronik.

Lexo edhe :  Rita Ora shkëlqen në mbrëmjen e dedikuar grave në muzikë

Pika e dytë ka të bëjë me faktorët e tjerë që ndikojnë te acidi hialuronik. Ritme të ndryshme të shpërbërjes së mbushësve varen nga lloji i mbushësit të përdorur dhe vendet e trajtimit. Ndonëse ekspozimi në diell mund të jetë një faktor kryesor, problemet vijnë edhe nga pirja e duhanit, humbja e peshës, ilaçet e caktuara si edhe metabolizmi i pacientit.

Po kërkimet shkencore? Kjo ndarje mes mjekëve ekziston sepse nuk ka pasur një studim ku ata të kenë injektuar mbushës në lëkurën e njeriut, ta kenë nënshtruar lëkurën ndaj ekspozimit UV dhe më pas të kenë bërë biopsi të lëkurës për të krahasuar lëkurën para dhe pas.

Por, të gjithë e dinë se ekspozimi i zgjatur në diell pas injeksioneve në fytyrë rrit rrezikun e inflamacionit, ënjtjes, zgjat mavijosjen dhe çon në hiperpigmentim në zonën e injeksionit./E.Ç

Të fundit

Trump paralajmëron Iranin/ Nëse sulmon SHBA-të, do të përballet me fuqinë e padëgjuar

Donald Trump ka paralajmëruar se çdo lloj sulmi nga Irani ndaj Shteteve të Bashkuara do të përballej me një...

Tkurrja e popullsisë/ Shqipëria rrezikon të bjerë nën kufirin e 2 milionë banorëve

Shqipëria hyri në vitin 2025 me një popullsi më të plakur dhe emigracion që thellohet më tej. Sipas të dhënave zyrtare të INSTAT për...

Natë e përgjakshme mes Iranit dhe Izraelit/ Viktima dhe qindra të plagosur

Tensionet mes Iranit dhe Izraelit kanë vijuar, pasi të dy vendet kanë nisur sulme ajrore dhe raketore ndaj njëri-tjetrit gjatë natës, duke përshkallëzuar ndjeshëm...

Parashikimi i motit, temperaturat arrijnë deri në 35 gradë

Të dielën, vendi ynë do të ndikohet nga kushte të qëndrueshme atmosferike. Moti parashikohet i kthjellët dhe me kohëzgjatje të orëve me diell në të gjithë...

Beteja e Fushë Kosovës, një faqe epike që shënoi fatet e Ballkanit

 Nga Leonard Veizi Beteja e Fushë Kosovës qëndron si një nga faqet më tragjike, por edhe më heroike, të historisë ballkanike. Ajo ishte më shumë...

Lajme të tjera

Web TV