Pas kalimit vdekjeprurës dhe shkatërrues të motit të keq Daniel , ka një shqetësim të madh për ” Elias ” që tashmë po godet Greqinë.
Sipas informacioneve të Ministrisë së Krizave Klimatike dhe Mbrojtjes Civile, pesë zona janë në gatishmëri.
Gjatë konferencës nga Qendra e Koordinimit të Operacioneve në Larisa, shefi i Operacioneve të Brigadës së Zjarrfikësve, gjeneralmajor Thanasis Balafas, theksoi se Thesalia, Greqia Qendrore, Atika, Evia, Peloponezi janë në gatishmëri të pjesshme ose të përgjithshme, ndërsa theksoi se. Jemi përgatitur për më të keqen, duke pritur më të mirën”.
Alarmi është dhënë për zonat e vuajtura të Thesalisë
Kujtohet se moti i keq ka nisur tashmë me breshër dhe stuhi në Greqinë Perëndimore. Në fakt, në Aigio, mali ka “zbritur” në Rrugën Kombëtare Patra – Korinth, duke sjellë ndalimin e qarkullimit nga rruga me pagesë Eleonas deri në kryqëzimin e Kalavritës në drejtim të Elefsinës, për shkak të rrjedhjes së baltës nga zonat e djegura.
Ka nisur të bjerë shi i dendur në Trikala dhe Kardicë, duke bërë që rrugët të kthehen në “lumenj”, ndërsa fshatrat në Larisa janë zhytur në errësirë për shkak të motit të keq./e.t
