Pamela Anderson i mbetet besnike vendimit të saj për të mos përdorur fare grim në daljet e saj publike. Aktorja 56-vjeçare u shfaq pa make up të enjten në prezantimin e koleksionit të veshjeve të grave Isabel Marant Pranverë/Verë 2024 si pjesë e Javës së Modës në Paris. Pam kishte flokët e saj të gjatë bjonde të lëshuara dhe lëkura e saj ishte fare pa grim.
E buzëqeshur dhe gazmore, ajo zgjodhi për këtë rast një fustan midi modest pa mëngë në të verdhë të ndezur. Ajo e kompletoi të gjithë look-un me këpucë nudo me taka të larta, një çantë të ngjashme dhe bizhuteri ari.
Duke folur për vendimin e saj për të adoptuar një pamje më natyrale, ajo thotë: “I vura re të gjithë këta njerëz që e tepronin me grimin dhe tani, më duket sikur po dal kundër gjithë asaj mode dhe po bëj të kundërtën e asaj që janë të gjithë të tjerët duke bërë.
Unë mendoj se ne të gjithë fillojmë të dukemi paksa qesharak ndërsa rritemi. Dhe unë qesh me veten time kur shikoj në pasqyrë. Është gjithashtu një udhëtim”./E.Ç
