Kreu i grupit parlamentar të PD-së, Gazment Bardhi thotë se deklaratat e forta dhe akuzat ndaj Lulzim Bashës erdhën pasi u baltos nga njeriu më i afërt.
Ai tha se ana njerëzore që kishte perceptuar gjatë kësaj kohe nuk ka vlerë për zotin Basha. Sipas tij, ambicia politike e tij arrin deri aty sa humb çdo vlerë të njerëzores
“Do të reagoj një herë pas 10 sulmeve që Basha bën ndaj meje. Kam preferuar të ndjek njerëzoren para anës politikë. Ana njerëzore që unë e kisha perceptuar gabim gjatë kësaj kohe nuk ka vlerë për zotin Basha ambicia politike arrin deri aty sa humb çdo vlerë të njerëzores.
Kam rreth 4 muaj që baltosem me strategji të qartë nga njeriu më i afërt në politike dhe jam përpjekur të jem i duruar kam zgjedhur të bëj reagim vetëm kur kalohet limiti dhe dje kaloi limit.
Nuk mund të vish dhe të më shohësh mua në sy dhe të thuash aleanca e kullave, se Basha e di që është e pavërtetë. Ai e di shumë mirë që ky është mendimi prej kohësh në PD”, tha Bardhi.
Bardhi tregoi edhe bisedën e bërë para një viti me Lulzim Bashën, ku tha se ndanin të njëtin shqetësim për PD, por në mënyrë të beftë ky i fundit sipas tij tha se konflikti ishte rruga e duhur.
“Mund të ketë një vit që i kam shprehur besimin që PD po dobësohem kur shoh që rruga jonë të çon për ti rënë murit në kokë apo të pretendoj që mund të lëviz murin unë e di që muri nuk lëviz.
Zoti Basha deri në atë periudhë të caktuar ndante të njëjtin shqetësim, më pas në mënyrë të beftë pretendoi se vijimi i konfliktit ishte rruga e duhur”, deklaroi Bardhi./ S.M
