Perëndimi dënon sulmin e Hamasit ndaj Izraelit

113 563 lexime

124,178FansaPëlqeje

Udhëheqësit Perëndimorë e dënuan sulmin në shkallë të gjerë të Hamasit ndaj Izraelit të shtunën.

Presidentja e Komisionit Europian, Ursula von der Leyen tha se Izraeli ka të drejtë të mbrohet nga ato që ajo i cilësoi si, “sulme të pamëshirshme”.

Presidenti i Francës, Emmanuel Macron tha se i dënonte ashpër “sulmet terroriste” dhe shprehu solidaritet ndaj viktimave dhe familjeve të tyre.

Kancelari i Gjermanisë, Olaf Scholz u shpreh i tronditur nga sulmet dhe tha se Gjermania qëndron në krah të Izraelit.

Ndërkohë, Britania e Madhe tha se e dënonte atë që e cilësoi si sulm të tmerrshëm. Ministri i Jashtëm. James Cleverly, tha se Britania do ta mbështesë gjithmonë të drejtën e Izraelit për t’u mbrojtur.

Shtëpia e Bardhë tha se i dënonte sulmet e Hamasit dhe se qëndronte në krah të qeverisë dhe popullit të Izraelit. “Nuk ka asnjë justifikim për terrorizmin”, tha zëdhënësja e Këshillit të Sigurisë Kombëtare, Adrienne Watson.

Sekretari amerikan i Mbrojtjes, Lloyd Austin tha se Pentagoni do të veprojë për t’i siguruar Izraelit gjithçka që i nevojitet për t’u mbrojtur.

Shefi i OKB-së për të drejtat e njeriut, Volker Turk u shpreh i tronditur nga sulmi dhe bëri thirrje për ndërprerjen e menjëherëshme të dhunës duke u kërkuar të gjitha palëve dhe aktorëve kyç në rajon që të ulin tensionet dhe të shmangin gjakderdhjen.

Arabia Saudite bëri thirrje për ndërprerjen e menjëhershme të luftimeve dhe u bëri thirrje të dyja palëve që të mbrojnë civilët.

Në një deklaratë të ministrisë së jashtme thuhet se “Arabia Saudite përsërit paralajmërimet e saj për rrezikun e përshkallëzimit të situatës si pasojë e pushtimit të vazhdueshëm, palestinezëve u janë mohuar të drejat e tyre dhe janë përballur me një sistem të vazhdueshëm provokimesh nga Izraeli”.

Lexo edhe :  "Saliu e nxiu Shqipërinë në Bruksel si agjent serb"

Arabia Saudite ka mbështetur prej një kohe të gjatë palestinezët dhe ka bërë thirrje për zbatimin e një zgjidhjeje me dy shtete bazuar në kufijtë e vitit 1967 të Izraelit, ku Izraeli Lindor të jetë kryqyteti palestinez./I.S

Të fundit

Dy burra dhe një spektakël

Enver Robelli 288 milionë dollarë. Kaq para ia ka dhuruar Elon Musk ish-presidentit Donald Trump për ta bërë sërish president. Më 3...

Barazim me “peng” për Shqipërinë/ Mbyllet pa gola sfida me Serbinë në “Air Albania”

Shqipëria barazon pa gola ndaj Serbisë në “Arenën Kombëtare”, në sfidën e vlefshme për kualifikueset e Botërorit. Kuqezinjtë treguan dëshirë të madhe që në fillim,...

Bill Gates dëshiron të investojë “gjithçka” në Afrikë

Në një ceremoni në selinë e Unionit Afrikan Bill Gates njoftoi se fondacioni i tij do të mbështesë masivisht projektet shëndetësore dhe bujqësore në...

Sende nga tribuna për të disatën herë, gjyqtari paralajmëron pezullimin e ndeshjes

Është tensionuar sërish situata në fushë, në këtë pjesë të dytë të ndeshjes Shqipëri-Serbi. Teksa dy skuadrat po përballen në stadiumin “Air Albania”, loja është...

Historia e burrit që kaloi 5 muaj në burg pa e ditur se liria kushtonte vetëm 2 dollarë

Një histori surreale nga Nju Jorku ka tronditur opinionin publik dhe ka ekspozuar një mangësi serioze në sistemin gjyqësor amerikan. Protagonist është Aitabdel Salem,...

Lajme të tjera

Web TV