Po ashtu Griffiths ka bërë me dije se të gjithë pengjet duhet që të lirohen.
GAZA- Situata tashmë kritike humanitare në Gaza po bëhet me shpejtësi e pajetueshme, tha në një deklaratë Martin Griffiths, kreu i programit të ndihmës humanitare të Kombeve të Bashkuara.
“Nuk ka energji elektrike, ujë apo karburant në Gaza dhe ushqimi po mbaron rrezikshëm,” thotë zyrtari i OKB-së, duke u bërë thirrje të gjitha vendeve me ndikim që të sigurojnë respektimin e rregullave të luftës dhe të parandalojnë përshkallëzimin e mëtejshëm.
“Veprimet dhe retorika e Hamasit dhe Izraelit në ditët e fundit janë jashtëzakonisht shqetësuese, e papranueshme. Civilët dhe infrastruktura civile duhet të mbrohen. Në Gaza, familjet u bombarduan duke u nisur drejt jugut përmes rrugëve të bllokuara dhe të dëmtuara pas urdhrit të evakuimit të Izraelit që la qindra mijëra njerëz që kërkonin siguri, por pa ku të shkonin. Edhe luftërat kanë rregulla dhe ato rregulla duhet të ndiqen, gjithmonë dhe nga të gjitha palët. Civilët duhet të lejohen të ikin në zona të sigurta. Dhe pavarësisht nëse largohen apo qëndrojnë, duhet të ketë shqetësim të vazhdueshëm për mbrojtjen e tyre”, thuhet në deklaratë.
Po ashtu Griffiths ka bërë me dije se të gjithë pengjet duhet që të lirohen.
“Ata që janë kapur duhet të trajtohen në mënyrë njerëzore dhe të gjithë pengjet duhet të lirohen. Civilët në Izrael dhe në territoret e pushtuara palestineze kanë vuajtur një javë agonie dhe shkatërrimi të plotë. Kam frikë se më e keqja nuk ka ardhur ende. Java e kaluar ishte një provë e njerëzimit dhe njerëzimi po dështon,” thotë Martin Griffiths./I.S
