Kourtney Kardashian është shtatzënë me fëmijën e parë të saj me Travis Barker, ndërkohë që është nënë e tri fëmijëve të tjerë me ish-in, Scott Disick. Një shtatzëni jo e lehtë, për vështirësitë e së cilës ajo ka folur publikisht edhe në rrjetet sociale. Pavarësisht problemeve me shëndetin, 44-vjeçarja nuk shqetësohet për gjithë zërat kritikë që e kanë komentuar për shtatzëninë në këtë moshë.
“Këto komente nuk më prekin. Atyre që i shprehin thjesht u them: Si guxoni të vini në dyshim planin e Zotit?” kështu u shpreh ajo në një intervistë të fundit për Vanity Fair Italia. “Sepse kështu e shoh unë këtë shtatzëni, e cila erdhi në një moment kur Travis Barker dhe unë as që e kishim menduar më. Vetëm një vit pasi ndaluam së tentuari natyralisht vendosëm për fekondimin e asistuar”.
“Vendimi për të provuar fekondimin e asistuar nuk ishte një zgjedhje, në kuptimin që unë isha shtyrë drejt këtij procesi si i opsioni i vetëm që na mbetej,” shpjegoi ajo.
“Ndjeva sikur po bëja diçka që nuk ishte e duhur për mua. Intuita ime po më thoshte se nuk duhet ta bëja” theksoi Kardashian, ndërsa shtoi se ishte e bindur se nëse Zoti e kishte shkruar që ajo dhe Travis do të kishin një fëmijë, kjo do të ndodhte.
Në të njëjtën intervistë, Kourtney foli edhe për problemet shëndetësore që e detyruan t’i nënshtrohej një operacioni fetal (ndërhyrje kirurgjikale në fetus) muajin e kaluar.
“Ishte e tmerrshme,” tha ajo për sprovën, pa hyrë në detaje. Kourtney tha se ndihej “fizikisht mirë”, duke shtuar: “Më pëlqen të jem shtatzënë. Jam e fiksuar pas idesë për të mbetur shtatzënë!”
Kourt është nëna e 3 fëmijëve të tjerë, Mason (13 vjeç), Penelope (10 vjeç) dhe Reign (8 vjeç), për të cilët bashkëprindëron me ish-in, Scott Disick./E.Ç
