Ky imazh satelitor tregon pasojat e shpërthimit të martën në Spitalin Al-Ahli në Gaza, në të cilin Ministria palestineze e Shëndetësisë thotë se qindra njerëz u vranë. Zyrtarët palestinezë kanë fajësuar Izraelin për shpërthimin, ndërsa Forcat Mbrojtëse të Izraelit kanë drejtuar gishtin nga Xhihadi Islamik Palestinez.
IDF theksoi se inteligjenca ka treguar se shpërthimi ka ardhur si rezultat i lëshimit të dështuar të raketës nga Xhihadi Islamik Palestinez por ky i fundit ka mohuar akuzat. Qeveria amerikane aktualisht beson se Izraeli “nuk është përgjegjës” për shpërthimin në spital, sipas Këshillit të Sigurisë Kombëtare.
“Ndërsa ne vazhdojmë të mbledhim informacione, vlerësimi ynë aktual, bazuar në analizën e imazheve, përgjimeve dhe informacionit me burim të hapur, është se Izraeli nuk është përgjegjës për shpërthimin në spitalin në Gaza dje”, tha zëdhënësja në një deklaratë të mërkurën./I.S
