Në nisje të seancës plenare, pensionistë dhe minatorë po protestojnë para Kuvendit. Njëzëri pensionistët dhe minatorët kërkojnë rritje të pensioneve, por edhe miratimin e statusit të minatorit.
Disa prej tyre janë përplasur fizikisht edhe me forcat e policisë.
“Na hapni rrugën. Mos na prekni me dorë”, dëgjohet teksa thotë një nga protestuesit. Ndërkohë një tjetër iu drejtohet forcave të policisë: Turp të keni, na hapni rrugës!’.
Minatorët zhvilluan edhe një protestë, më 12 tetor, gjatë seancës së kaluar plenare.
Me pankarta në duar dhe me brohoritje ata kërkuan statusin e minatorëve./ S.M
