WhatsApp ka prezantuar një opsion të ri. Nëse keni një llogari personale WhatsApp dhe një biznes – ose dy llogari të së njëjtës natyrë – së shpejti nuk do të keni më nevojë të mbani dy telefona për t’i aksesuar të dy.
Kompania “Meta” ka lajmëruar të enjten se shumë shepjt WhatsApp do t’ju japë mundësi të gjithëve për të pasur dy llogari në të njëjtën kohë, shkruajnë mediat e huaja.
“Kaloni mes dy llogarive në WhatsApp. Së shpejti, do të keni mundësi të keni dy llogari WhatsApp në një telefon brenda një aplikacioni.
Tani nuk keni më nevojë të dilni çdo herë, të mbani dy telefona ose të shqetësoheni për mesazhet në vendin e gabuar”,– njofton më tej kompania.
Çdo llogari ka cilësimet e veta të privatësisë dhe njoftimeve, kështu që ju mund të zgjidhni të merrni sinjalizime nga njëra dhe jo nga tjetra, gjë që tingëllon tepër e dobishme nëse jeni me pushime dhe nuk doni të dëgjoni nga puna ose biznesi juaj për një kohë./ S.M
