Rudina Dembacaj njihet për të folurën e saj “troç”, e për këtë, edhe ndjekësit që i bëjnë komente në platformat sociale sociale duhet të përgatiten. Aktorja e humorit është aktive në rrjet, ku ndan shpesh momente të ndryshme nga përditshmëria e saj, por edhe bashkëbisedime virtuale.
Së fundmi, ajo iu ka dhënë mundësinë atyre që t’i bëjnë pyetje të ndryshme, e sigurisht që ata janë shumë kuriozë që të dinë sa më shumë detaje për jetën personale. Ka ndjekës po kështu që kërkojnë këshilla, e nuk ngurrojnë ta komplimentojnë, ashtu sic nuk mungojnë nga ana tjetër edhe ata më pak “dashamirës”.
“Oj Rudina i le gratë pa burra, kanë marrë guxim nga ty dhe vetëm po ndahen. Je yll”, i ka shkruar dikush.
Dembacaj nuk e zgjati shumë, por ia preu shkurt: “Nuk mbarojnë burrat, ka prapë”!/E.Ç
