Orinda Huta dhe Turjan Hysko janë pa diskutim një nga çiftet më të dashura e më të pëlqyera të shoëwbiz-it shqiptar. Jemi rritur me figurat e tyre në skenë dhe ekran dhe as që e medojmë se një ditë mund të ndahen. Por, ja që mund të ndodhë. Të paktën këtë na konfirmoi Orinda pas një telefonate që mori ditën e sotme. “E lë unë e para, madje rris edhe fëmijën e tij”, -u shpreh sot moderatorja e njohur.
Qetësohuni, është gjithçka në kuadrin e shakasë. Orinda ishte e përzgjedhura e radhës në rubrikën kurth të emisionit “Ndryshe”, ku mori një telefonatë nga e dashura hipotetike e Turit, e cila supozohet te jetë shtatzënë, vetëm 5 muajshe.
Loja nisi me pretendimin se Turi e kishte bllokuar në telefon vajzën në fjalë, por ajo nuk donte të hiqte dorë kurrsesi nga fëmija dhe dashuria e tyre. Mami Orinda, që në ato momente ishte në rrëshqitëse me Atarën, e kishte mendjen më shumë tek e bija, se te çorba që po gatuhej në studio.
Megjithatë u tregua altruiste, i kërkoi të dashurës së burrit të mos abortonte sepse ajo do i jepte një dorë për ta rritur. Të qeshurat në studio nuk mund të mbaheshin më, ndaj të gjithë u qetësuan kur në fund u tha se ishte lojë./E.Ç
