Aktori amerikan Matthew Perry, i cili njihej më së shumti për rolin e Chandler Bing në hitin televiziv të viteve ’90 Friends, ka ndërruar jetë në moshën 54 vjeçare. Ai u gjet i pajetë në shtëpinë e tij në Los Anxhelos, thanë burimet e zbatimit të ligjit për mediat amerikane.
LA Times dhe TMZ, të cilat fillimisht raportuan se Perry kishte vdekur, thanë se aktori u gjet i pavetëdijshëm në një vaskë me ujë të nxehtë në shtëpinë e tij. Warner Bros TV, i cili prodhoi Friends, përmes një reagimi tha: “Ne jemi të shkatërruar nga vdekja e mikut tonë të dashur Matthew Perry!
Matthew ishte një aktor jashtëzakonisht i talentuar dhe një pjesë e pashlyeshme e familjes së grupit televiziv Warner Bros. Ndikimi i gjeniut të komedisë u ndje në mbarë botën dhe trashëgimia e tij do të vazhdojë të jetojë në zemrat e shumë njerëzve. Kjo është një ditë e rëndë dhe ne i dërgojmë dashurinë tonë familjes së tij, të dashurve të tij dhe të gjithë të fansave të tij.”, thuhet më tej në deklaratë.
Ai lindi në vitin 1969 në Massachusetts dhe u rrit në Otava të Kanadasë ku dhe ndoqi arsimin fillor. Aktori njihet edhe për filma të tjerë, por famën më të madhe e mori me rolin e tij në serialin Frends i cili u transmetua nga viti 1994 deri në vitin 2004./E.Ç
