Sipas agjencisë meteorologjike të Spanjës, stuhia e re, e quajtur Domingos mund të përkeqësojë situatën dhe të zerojë përpjekjet e vazhdueshme për të riparuar dëmet e lëna nga paraardhësi i saj.
TIRANË– Ende pa e marrë veten nga ‘Ciaran’, Evropa do të goditet nga një tjetër stuhi! ‘Domingos’ ka mbërritur në Francë, Spanjë dhe Portugali, ku ka shkaktuar erëra të forta dhe dallgë mjaft të larta.
Evropa Jugperëndimore po përgatitet për stuhinë e dytë të madhe që vjen nga Atlantiku. Domingos tashmë po shkakton erëra të forta dhe dallgë të larta në Francë, Spanjë dhe Portugali.
Në Francë është ngritur alarmi portokalli pasi përgjatë bregut të Atlantikut dhe Pas-de-Calais era arriti deri në 150 km/h të shtunën në mbrëmje. Sipas agjencisë meteorologjike të Spanjës, stuhia e re, e quajtur Domingos mund të përkeqësojë situatën dhe të zerojë përpjekjet e vazhdueshme për të riparuar dëmet e lëna nga paraardhësi i saj.
Më e keqja e Domingos pritet të godasë Spanjën veriore dhe Francën perëndimore përgjatë Gjirit të Biscay, ku janë të mundshme edhe rrëshqitjet e dheravë, përveç shiut të dendur.
Ciarán solli erëra të forta dhe shira që përmbytën Italinë e morën të paktën 16 jetë njerëzish. Pasoja ka pasur edhe në Shqipëri, ku dy ditë më parë, u përmbyt thuajse i gjithë vendi./I.S
