Për sa kohë e mbani një pallto në gardërobën tuaj? Pasi një miliardere preferon që të veshë një pallto me print leopardi çdo vjeshtë. Është fjala për Nicky Hilton Rothschild.
Motra e Paris Hilton, e njohur në botën e modës, për më shumë se 7 vjet vesh një pallto me print leopardi. Një nga gratë më të pasura në botë është besnike e stilit të saj dhe duket se as nuk ka ndërmend të heq dorë nga kjo pallto me këtë print të veçantë.
E njëjta gjë ka qenë edhe këto ditë kur stilistja doli në Nju Jork e veshur me një pallto me print leopardi, një çantë lëkure Marc Jacobs në duar, xhinse të zeza dhe këpucë të sheshta.
Mediat e huaja shkruajnë se Nicky është e martuar me biznesmenin miliarder, James Rothschild. Çifti ka tre fëmijë, dy vajza dhe një djalë dhe ata shfaqen kudo bashkë, duke u treguar të gjithëve se si janë një familje harmonike dhe e lumtur./E.Ç
