Ekstradohet nga Britania e Madhe drejt Shqipërisë një 29 vjeçar i dënuar për plagosje

Një i kërkuar nga drejtësia shqiptare për plagosje është ekstraduar nga Mbretëria e Bashkuar drejt Shqipërisë.

Një i kërkuar nga drejtësia shqiptare për plagosje është ekstraduar nga Britania e Madhe drejt Shqipërisë.

Lexo edhe :  Tiranë, dhunohen në krye të detyrës dy punonjësit e Policisë Bashkiake

Si rezultat i bashkëpunimit të Interpol Tiranës me Interpol Manchester, është ekstraduar Ledio Hysa, 29 vjeç. Ai është dënuar me 4 vjet e 8 muaj burgim, për plagosjen e një personi me armë zjarri pistoletë.

“Këtë shtetas, Gjykata e Rrethit Gjyqësor Elbasan, në vitin 2019, e ka dënuar me 4 vjet e 8 muaj burgim, për veprat penale “Plagosja e lehtë me dashje” dhe “Mbajtja pa leje dhe prodhimi i armëve, armëve shpërthyese dhe municionit”, thuhet në njoftim.

Ledio Hysa, në vitin 2018, afër liqenit të Seferanit, në Belsh, Elbasan, pas një konflikti për motive të dobëta, ka plagosur me armë zjarri pistoletë, në këmbë një person./O.S