Denisa, një vajzë 17-vjeçare, tregoi jetën e saj të mundimshme këtë të dielë në “Ka një mesazh për ty”.
Ajo rrëfeu se babai nuk kishte qenë dakord për lindjen e saj dhe i kishte kërkuar abort nënës së saj, e cila nuk kishte pranuar dhe e kishte sjellë në jetë.
Por, për shkak të kushteve të këqija të jetesës, Denisa tha se e kishin dërguan në “Shtëpinë e Foshnjes” në Durrës, ku qëndroi rreth një vit e gjysmë dhe u kthye sërish te prindërit.
“Mami u desh të martohej, me shkuesi u martua, gjeti një burrë. Dhe linda unë, që e falenderoj shumë. Kur kanë dashur që të më sillnin mua në jetë, që mami ka qenë shtatzënë, babi ka qenë dhe sëmurë dhe nuk ka dashur që unë të vija në jetë. I ka thënë që të më dështonin mua. Mami me kokëfortësinë e saj tha që “unë nuk e heq fëmijën, do ta mbaj sido që të jetë, me bukë pa bukë, dikush do të më ndihmoj”.
Erdha unë në jetë, si bekim i mamit. Mamit iu desh që të më çonte mua për të më sjellë në jetë, në Tiranë, që pasi të lindja unë, të shkoja në “Shtëpinë e Foshnjës” Shkozet të Durrësit. Që mami të mos më mbante sepse nuk kishte as banesë, as kushte ekonomike, as shëndetësor, nuk kishte me çfarë të më ushqente. Më çuan atje, më lanë për një vit – një vit e gjysmë.
Ka ardhur mami pas katër muajsh që më ka gjetur, kur u bë babi që u shërua. Ka dhe një foto, ku mami kur më ka parë mua, ka qarë atë ditë. I kanë bërë foto se nuk e dinte sesi unë isha sepse nuk kishte asnjë lloj informacioni. Qe fati që as unë nuk u birësova, si motra ime”, u shpreh ajo.
Denisa tregoi se prindërit e saj kishin ndashur të bënin të njëjtën gjë edhe me motrën e saj më të vogël, por që nuk mundën ta rikthenin sërish në familje.
“Po, pas tre viteve, erdhi në jetë motra ime. Edhe mami përsëri tha që “do lind në Tiranë që të shkoj përsëri tek e njëjta ‘Shtëpi e Foshnjes’, ku qe goca e madhe”. Dhe tha që “do ta marrë pas tre viteve kur të bëhet tre vjeçe”, se nuk kishte as kushte të mira ekonomike, as shëndetësore. Pasi e çoi motrën atje, kaluan tre vite me sfida dhe gjithçka. Mami diagnostikohet nga kanceri i gjirit. Me gjithë ato peripeci, mamit iu desh që të shkonte të kryente operacionin, me kimioterapi, rreze. Dhe mua më la tek të afërmit e mi. Unë e ndieja shumë mungesën e mamit sepse isha 6 vjeçe. Nuk e di sesi më dukej jeta sepse isha mësuar me praninë e mamit”, theksoi 17-vjeçarja./e.t
