Bomba, municion luftarak dhe tela, sekuestrohen mjete të rrezikshme në veri të Mitrovicës

Policia e Kosovës ka njoftuar se në veri, në Mitrovicë janë sekuestruar mjete të rrezikshme që do të mund të përdoreshin për sulme ndaj Policisë.

Në orët e para të mëngjesit është zhvilluar një operacion policor në veri të Mitrovicës, konkretisht përballë shkollës teknike në Lagjen e Boshnjakëve.

 

Lexo edhe :  Vuçiç në Tiranë: Mbaj përgjegjësi për vizitën në Moskë, Serbia do të ardhmen evropiane

 

Falë informacioneve nga qytetarët, policia ka arritur të gjejë pajisje që mund të rrezikonin jetën e njerëzve e po ashtu mund të përdoreshin edhe kundra personelit policor, për t’i penguar në realizimin e detyrave ligjore.

Aty janë gjetur dhe konfiskuar, si tela gjëmborë të improvizuar (iriqa), granata, municione dhe uniforma ushtarake.

“Vlen të theksohet se uniforma e gjetur sot është e ngjashme me uniformat që janë përdorur nga grupi terrorist në Banjskë, në shtator të këtij viti”, thuhet në deklaratën e policisë.

Operacione të tilla do të vazhdojnë edhe në ditët në vijim, me qëllim të ndalimit të ndonjë sulmi ndaj policisë dhe ruajtjen e jetës së qytetarëve.