Nata e Vitit të Ri është festa më supersticioze që ekziston. Lemë pas vitin e vjetër dhe shikojmë të ardhmen me pozitivitet, duke shpresuar gjithmonë për më të mirën. Kjo ndjenjë përkthehet me disa gjeste, që synojnë tërheqjen e fatit të mirë.
Në këtë artikull po ju tregojmë 10 rituale fatsjellëse që duhet të bëni në natën e Vitit të Ri, bazuar në vende të ndryshme të botës.
Brazil
Në natën e Vitit të Ri, vendi i Amerikës së Jugut feston me tre lloje menush në varësi të faktit nëse vendet janë afër detit apo në zonat më larg tij. Djemtë vishen me të verdhë, në nderim të diellit, jetës dhe arit, që është simbol i bollëkut. Është zakon që kryefamiljari të hedhë një gotë verë mbi supe, për të shmangur fatin e keq, ndërsa të rinjtë e qyteteve bregdetare nuk heqin dorë nga noti i mesnatës.
Belgjika
Në Belgjikë pas qejfeve të Krishtlindjeve njerëzit pastrohen për Vitin e Ri. Kjo festë atje festohet me një supë të këndshme me qepë. Për ta është një ogur i mirë të vendosin një monedhë ose disa gjethe lakre nën pjata.
Kina
Këtu nata e Vitit të Ri nuk festohet më 31 dhjetor si në kalendarin gregorian, por i referohen kalendarit hënor. Ky kalendar ndryshon nga 21 janari deri më 19 shkurt. Festimet zgjasin dy javë dhe përfundojnë me festën e fenerëve. Gjatë festimeve njerëzit vishen me të kuqe, e cila sipas traditës do të frikësonte Nianin, përbindëshin mitologjik që sipas legjendës dilte nga strofulla e tij çdo 12 muaj për të gllabëruar qeniet njerëzore.
Gjermania
Gjatë Vitit të Ri gjerman, njerëzit vishen , pinë verë të kuqe dhe hanë arra. Në fund të mbrëmjes, në tryezë lihet një pjatë e mbushur me ushqime, për të pritur Vitin e Ri me mbarësi dhe bollëk.
Japonia
Në darkën e Vitit të Ri, japonezët bëjnë një pastrim rrënjësor të shtëpisë i cili zgjat deri më datën 3 janar. Gjatë kësaj periudhe ata festojmë duke falënderuar perënditë për të korrat dhe duke mirëpritur shpirtrat e të parëve, dekorojnë shtëpinë me degë pishe, bambu dhe kashtë. Në mesnate kambanat e tempujve budistë bien 108 herë për të rrëfyer të gjitha mëkatet e njerëzve.
Greqia
Nëse festoni në shtëpi, çdo mysafir, sapo të hyjë në derën e përparme, duhet të përplas një shegë. Sa më shumë fara të derdhen në dysheme, aq më i mirë do të jetë fati juaj gjatë vitit. Në tryezë shërbehet ëmbëlsira e Shën Vasilit, brenda së cilës është fshehur një monedhë. Ai që e gjen do të ketë një vit të pasur dhe të begatë./E.Ç
