Shteti ku gratë janë më të lumtura

113 563 lexime

124,178FansaPëlqeje

Danimarka është vendi më i mirë në botë për të qenë grua, sipas Indeksit të Grave, Paqes dhe Sigurisë (WPS) 2023, i cili është prezantuar në tetor të vitit 2023 në Misionin Norvegjez në Kombet e Bashkuara në Nju Jork.

Vendi shënon tre herë më shumë se Afganistani, i cili renditet më i ulëti në indeks.

Indeksi WPS, bazohet në burime të njohura të të dhënave për të matur përfshirjen, drejtësinë dhe sigurinë e grave në 177 vende.

Danimarka, Zvicra, Suedia, Finlanda dhe Luksemburgu kryesuan renditjen në vendet kryesore për gratë. Afganistani, Jemeni dhe Republika e Afrikës Qendrore renditen ndër më të ulëtat.

“Vendet ku gratë po ecin mirë janë më të prosperuara, paqësore, demokratike dhe më të përgatitura për t’iu përgjigjur ndikimeve të ndryshimeve klimatike,” tha Elena Ortiz (SFS’21), një studente e Georgetown e cila është autorja kryesore e raportit. “Kur gratë ecin mirë, të gjithë në shoqëri janë mirë, dhe indeksi ynë e tregon këtë.”

Indeksi i vitit 2023 zbuloi se mirëqenia e grave është e lidhur drejtpërdrejt me mirëqenien e një vendi.

Vendet ku gratë kanë zhvillim të mirë shënuan rezultate më të larta për sa i përket paqes, demokracisë dhe prosperitetit, sipas korrelacioneve midis Indeksit WPS dhe indekseve të tjera globale. Në fakt, këto ndikime lidhen më fort me statusin e grave sesa me GDP-në.

Veçanërisht, 20 vendet e renditjes më të ulët në indeksin e këtij viti kanë përjetuar konflikt të armatosur midis 2021 dhe 2022. Në shumicën e këtyre vendeve – përfshirë Afganistanin, Jemenin, Republikën e Afrikës Qendrore dhe Sudanin e Jugut – më shumë se gjysma e grave jetojnë në konflikt.

“Bota është e mbështjellë nga një numër në rritje konfliktesh dhe ka një rritje të autoritarizmit dhe shtytjes kundër progresit të grave,” tha ambasadorja Melanne Verveer, drejtore ekzekutive e GWIPS. “Indeksi na kujton se ekziston një korrelacion i drejtpërdrejtë midis mirëqenies së grave dhe mirëqenies së kombeve. Investimet në avancimin e barazisë gjinore janë gjithashtu investime në paqe, siguri dhe prosperitet.”/E.Ç

Të fundit

78 mln euro për dy sulmues, Bayern “peshkon” tek Arsenali

Bayern po vuan më shumë se kurrë për të kryer transferimet e duhura në merkaton e verës. Klubi bavarez...

1203 – Kryqëzata e Katërt dhe pushtimi i Kostandinopojës

Më 17 korrik 1203, gjatë Kryqëzatës së Katërt, një flotë e fuqishme venedikase që mbante kryqtarët perëndimorë, sulmoi dhe pushtoi Kostandinopojën, kryeqytetin e Perandorisë...

Meta: Nuk jam i zhgënjyer nga vendimi, por mezi pres…

Nga qelia ku po qëndron prej 9 muajsh lir Meta thotë se nuk është i zhgënjyer nga vendimi Apelit të Posaçëm që e la...

Shabani nuk heq dorë, Lapaj kundërpërgjigjet duke kaluar mandatin tek anëtarja e tij

Koalicioni “Nisma Shqipëria Bëhet” firmosur mes Adriatik Lapaj dhe Endrit Shabanit tashmë është prishur pas përplasjeve të dy “miqve”. Daja i këtij të fundit, Zeqir...

Të shtëna me armë zjarri në Sarandë! Raportohen dy të plagosur

Një ngjarje e rëndë ka ndodhur paraditen e sotme në lagjen nr. 4 të Sarandës, pranë stadiumit të qytetit, ku janë dëgjuar të shtëna...

Lajme të tjera

Web TV