Ylli Pinari, ish-drejtor i kompanisë “Meico”, është paraqitur këtë të mërkurë në GJKKO.
Ai ka dëshmuar në procesin gjyqësor ndaj ish-ministrit të Mbrojtjes, Fatmir Mediu, në lidhje me çështjen “Gërdeci”.
Ylli Pinari tregoi se si ishte vënë në kontakt me Patrik Henrin, përfaqësuesin e SAC, kompanisë së përfshirë në demontimin e armëve në Gërdec.
Gjithashtu ai foli edhe për ortakërinë e Patrik Henrit me Mihal Delijorgjin, të cilët ishin bashkaksionerë në kompaninë “Albademil”.
“Meico nuk është përfshirë në procesin e përcaktimit të Gërdecit si vend demontimi. Fillimisht kemi pasur komunikime me ‘e-mail’. Pas shkëmbimit të informacionit Patriku propozoi krijimin e një linje demontimi”, është shprehur ai ndër të tjera.
Kujtojmë se Ylli Pinari ka qenë i dënuar në procesin “Gërdeci”, por më pas ai përfitoi lirinë me kusht./e.t
