E njohur si “burnout”, ndjesia e krijuar zakonisht nga stresi në punë, mund të çojë në lodhje ose rraskapitje psikologjike që nuk lejon asnjë hapësirë për produktivitet. Kjo gjendje ka simptomat e saj që e bëjnë të dallojë, pasi niveli i stresit është aq i lartë saqë shkakton probleme fizike.
Burnout – një gjendje lodhjeje emocionale, fizike dhe mendore e shkaktuar nga stresi i tepruar dhe i zgjatur. Ndodh kur ndiheni të mbingarkuar, të lodhur emocionalisht dhe të paaftë për të përmbushur kërkesat e vazhdueshme.
Sipas Gallop, 2023-shi ka thyer rekorde për nivelin e stresit në punë. Nëse ndonjëherë e ke ndjerë këtë ndjesi rraskapitjeje në ambientin e punës, simptomat më të shpeshta janë: pamundësi për të ndjekur ritmin e punëve, energji shumë e ulët ose ndjesi këputjeje në aspektin mendor.
Psikologët shpjegojnë se individët që përjetojnë “burnout” u duhet mundim i tepërt për të bërë edhe punën më të vogël.
Disa nga simptomat më specifike të kësaj problematike identifikohen si më poshtë:
-Pamundësi për të fjetur
-Dhimbje koke, tension në muskuj dhe të tjera parehati fizike
-Probleme me sistemin tretës: Diare, ndjesi të vjelli, kapsllëk, dhimbje stomaku
-Distancim social i pakontrolluar
-Probleme me vëmendjen
-Probleme me vetëbesimin
-Izolim/E.Ç
