Në 2025-ën pritet të dalë në kinema historia e Michael Jackson. Lionsgate ka publikuar lajmin duke prezantuar si datë zyrtare 18 prillin e vitit të ardhshëm. Produksioni nis punën në datë 22 janar, siç zbulon Variety.
’Michael’ do i sjellë audiencës një portret të sinqertë të këngëtarit brilant dhe të komplikuar që u bë mbreti i pop-it”, shkruhet në sinopsin e parë zyrtar të filmit. “Filmi prezanton triumfet dhe tragjeditë duke kaluar nga ana e tij humane te problemet personale dhe performancat ikonike”.
Antoine Fuqua do të jetë regjisori ndërsa Jaafar Jackson, djali i vëllait të madh të Michael do jetë protagonist. Sipas producentëve, Jaafar ngjan shumë me Michael, madje djaloshi këndon, kërcen dhe flet njësoj si xhaxhai i tij.
Nga të gjitha detajet rreth filmit, ende ka mbetur pa zbuluar nëse në film do trajtohen pretendimet mbi abuzimin ndaj të miturve që kanë rrethuar figurën e Jackson para dhe pas vdekjes./E.Ç
