Një pikë shitjesh celularësh, u grabit. Grabitja u shënua rreth orës 09:30 minuta të së premtes, në hyrje të rrugës “Myslym Shyri”.
Autori i kësaj grabitje ende nuk është mundur të identifikohet nga policia, për shkak se në fytyra mbante një maskë të zezë, ndërsa ishte i pajisur edhe me doreza.
Nën kërcënimin e një pistolete, atij i janë dashur 20 sekonda që të marrë 15 celularë të markave të ndryshme dhe më pas të largohet me vrap.
Gjatë momentit të grabitjes, autori nuk rezulton të ketë lënë gjurmë që mund të ndihmojnë hetuesit për identifikimin e tij.
Dyqani i celularëve ka qenë i pajisur me kamera sigurie ku kanë filmuar edhe momentin e grabitjes, ndërsa hetuesit kanë hapur disa kamera të tjera në kryqëzimet pranë zonës për të përcaktuar se nga është larguar autori.
Për kapjen e tij, policia e Tiranës, ka vënë një shpërblim 5 mijë euro për këdo që jep informacione të vlefshme./E.T
