SKANDAL në Klos/ Nxënësit ngrohen me reflektorë pasi kaldaja nuk punon

113 563 lexime

124,178FansaPëlqeje

Nxënësit e shkollës 9-vjeçare “Ibrahim Tema” në fshatin Kurdari të Klosit, ngrohjen ua kanë besuar reflektorëve, të cilët ua kanë sjellë prindërit, pasi kaldaja e shkollës nuk funksionon.

Edhe ato që dukej sikur punonin nuk kishin as ngrohjen minimale, ndërkohë që shkolla “noton” nga lagështia dhe xhamat e thyer. Përgjegjësi i zyrës arsimore në Bashkinë Klos i dehur në orar të punës, nuk shpjegon gazetarët për situatën e shkollësk por i shan dhe kërcënon.

Në Fiks Fare u ankuan prindërit, fëmijët e të cilëve zhvillojnë orët mësimore në shkollën “Ibrahim Tema” në fshatin Kurdari të Klosit. Ankesa lidhet me kaldajat e kësaj shkolle, që nuk funksionojnë ose edhe ato pak që janë në punë, kanë një ngrohje minimale. Dhe për këtë arsye, ata vetë si prindër janë detyruar që në shkollë të çojnë reflektor, që fëmijët mos të sëmuren. Ata gjithashtu ngritën shqetësimin edhe të kushteve të tjera të shkollës, si lagështia në mure dhe xhamat e thyer.

Gazetarët e Fiksit panë nga afër shkollën dhe filmuan muret e klasave, që ishin të gjitha me lagështi, xhamat e thyer dhe të plasaritur në këtë shkollë dhe kaldajat jashtë funksionit.

Në një intervistë për Fiksin, drejtori i shkollës Arben Allamani, shprehet se problemi është që në projektimin e saj, pasi infrastruktura e këtij institucioni nuk është e duhura dhe prandaj kanë hasur këto probleme.

Ai tha se është bërë një kërkesë për të rregulluar dëmet që ka në këtë shkollë dhe se ka pasur reagime dhe nga institucionet kompetente. Ai pohon se bashkia ka dërguar, pas tre javësh që është ngritur problemi nga ana e tij, një grup punë që kanë verifikuar dhe kanë bërë dhe disa ndërhyrje. Por, as këto nuk e kanë zgjidhur problemin, sidomos për pjesën e lagështisë. Gjithashtu, ai pranon se në disa klasa nuk janë në funksion kaldajat dhe ka nga ato që punojnë, por kanë ngrohje minimale.

Lexo edhe :  Ligjet racore ishin vetëm faji i fashizmit apo gjetën terren pjellor në Itali?

Fiksi gjithashtu u interesua pranë zyrave të ZVA Klos, ku thanë se janë në dijeni për problematikën dhe se nuk është hera e parë që nxënësit e kësaj shkolle po hasin këtë problem. Drejtori i ZVA Klos, Agron Hoxha, tha se po merren me zgjidhjen e këtij problemi duke kërkuar ndihmën e bashkisë dhe në rast se nuk do mund të rregullojnë kaldajat, ata do të shikojnë një opsion tjetër, e cila do të jetë ngrohja me sobë druri.

ZVA është në pritje të një përgjigjen nga Bashkia Klos sesi do të procedohet.

Menjëherë pas përgjigjes së marrë nga ky institucion, gazetarët e Fiksit u drejtuan te Bashkia e Klosit pranë zyrës së arsimit ku u përballën me përgjegjësin e kësaj zyre. Edmond Nikolla, në gjendje të dehur jep një përgjigje shumë të agravuar gazetares. Pyetjes së gazetares nëse është apo jo esëll pasi kundërmonte era alkool ai i përgjigjet se nuk është shofer, duke pranuar indirekt. Më pas ai fillon bërtet në zyrë duke thënë se nuk ka frikë Fiksin dhe se të gjithat kaldajat janë të rregulluara dhe nuk ka asnjë problem në shkollë. Gjithashtu ai tha se nuk ka qenë në dijeni të problematikës, pasi janë njoftuar në mëngjes ndërkohë kërkesa nga drejtori i shkollës ishte bërë me datën 16/11/2023. Gazetarja kërkon nga përgjegjësi që t’i verifikojnë këto problematika që ka shkolla dhe së bashku të nisen drejt shkollës.

Por përsëri z. Nikolla në bisedë me gazetaren tregohet shumë i vrazhdë duke i bërtitur dhe duke i bërë presion. Në momentin që ata do niseshin për të verifikuar nëse në këtë shkollë ka probleme apo jo, përgjegjësi nuk pranon që të shkojë me justifikimin që nuk ka makinë dhe se çdo pikëpyetje që ka gazetarja le ta zgjidhë me drejtorin e shkollës./O.S

Të fundit

Borë në prill, Korça zbardhet nga flokët e bardha të borës së vonuar (PAMJE)

Borë në prill. Korça zbardhet dhe duket si në endërra. Po kështu edhe verilindja e vendit, borë dhe shi....

“Po shkunden plakat” – Njihuni me të vërtetën e historisë së mitit

Sipas rrëfimeve nga brezi në brez, ndryshimet e motit në fillim apo në fund të muajit mars lidhen me “mitin e plakave”. Ndodh që...

E gjitha kjo është pak si shumë qesharake (dhe e padrejtë)!

Nga Skënder Minxhozi “Keni gjysmën e qeverisë në burg”, “Partia juaj doli kokë e këmbë hajdute dhe kriminele, me ju merret Spaku nga mëngjesi në...

Pas regjistrimit si persona juridik, OJF-të 40 ditë afat për deklarimin e pronarit

Organizatat jofitimprurëse të regjistruara si persona juridik, duhet të bëjnë edhe regjistrimin e pronarit përfitues në Regjistrin e Pronarëve Përfitues (RPP). QKB njofton se afati...

Çfarë po përpiqet të arrijë Trump me tarifat?

Shtëpia e Bardhë “lëkundi” marrëdhëniet me disa nga partnerët e saj më të afërt tregtarë. BE-ja, për shembull, do t’i nënshtrohet tarifave prej 20%, ndërsa...

Lajme të tjera

Web TV