Së fundmi aktori i njohur i filmit të nominuar edhe për Oscars “Oppenheimer”, Cillian Murphy në një intervistë ekskluzive për kopertinën e fundit të marsit të revistës GQ ka folur në lidhje me karrierën dhe jetën e tij profesionale dhe jo vetëm.
Ai gjithashtu ka zbuluar edhe arsyen se pse nuk pranon të bëjë foto me fansat dhe mbështetësit e tij.
“Unë nuk bëj foto. Sapo fillova ta bëja këtë, ndryshoi jetën time. Thjesht mendoj se është më mirë të përshëndes dhe të bëjmë një bisedë të vogël. Unë ua them këtë shumë njerëzve dhe miqve të mi aktorë. Por ju nuk keni nevojë për një regjistrim fotografik të çdo vendi ku keni qenë brenda një dite.”
Ai ka dhënë detaje edhe në lidhje me filmin e tij të vitit 2005 “Red Eye”.
“Unë e dua Rachel McAdams dhe u argëtuam duke e bërë atë. Por unë nuk mendoj se është një film i mirë.”
Në thrillerin psikologjik, me regji nga Wes Craven, Murphy luan Jackson Rippner, i cili është ulur pranë Lisa Reisert (McAdams) dhe qëllimet e liga terroriste zbulohen sapo avioni ngrihet kur ai tregon se do të vrasë zëvendëskryetarin amerikan të Sigurisë Kombëtare. Aktori u shpreh gjithashtu se:
Kur isha një aktor më i ri, e urreja të shikoja veten në ekran. Më kujtohet kur pashë “Red Eye” ishte sikur, “Oh, ky është një lloj filmi i çuditshëm.” Rachel McAdams është e shkëlqyer në të, por nuk mendoj se dhashë një performancë shumë të mirë në të. Por dëgjoni, nëse njerëzit e duan filmin, atëherë kjo është e mrekullueshme. Jam i kënaqur me këtë./E.Ç
