Mbiemri i ri i princit Archie dhe princeshës Lilibet thyen një traditë të lashtë mbretërore që daton nga viti 1964. Më 13 shkurt, princi Harry dhe Meghan Markle hapën faqen e tyre zyrtare me një emër të ri, Sussex.com, në të cilën ata përdorin titujt e tyre mbretërorë, Duka dhe Dukesha e Sussex-it, si dhe stemën zyrtare mbretërore.
Faqja e internetit zëvendëson Archewell.com dhe përmban gjithashtu emrat e fëmijëve të tyre të prezantuar si Archie dhe Lilibet Sussex. Të vegjlit kishin më parë mbiemrin Mountbatten-Windsor, duke ruajtur prej dekadash traditën që thotë se pasardhësit mbretërorë mbajnë mbiemrin Mountbatten-Windsor. Përjashtim bëjnë ata që gëzojnë titullin “Madhëria e tij/saj” apo “Princ/Princeshë” si dhe pasardhëset që martohen.
Harry dhe Meghan morën mbiemrin Sussex për fëmijët e tyre pas kurorëzimit të mbretit Charles III në maj 2023. Sipas një burimi për The Times, mbiemri “përfaqëson bashkimin e tyre”.
Princi Harry dhe Meghan hoqën dorë nga detyrat mbretërore në fillim të vitit 2020. Atyrë iu lanë titujt Dukë dhe Dukeshë, por u vendos që nuk do t’i përdornin pasi nuk janë më anëtarë të familjes që ushtrojnë funksione.
Archie dhe Lilibet i morën titujt Princ dhe Princeshë pasi Mbretëresha Elizabeth II ndërroi jetë në shtator 2022 dhe gjyshi i tyre, Charles u kurorëzua mbret. Pas pagëzimit të Lilibet në mars 2023, u konfirmua se dy fëmijët e Harry dhe Meghan kishin marrë titujt mbretërorë Princ dhe Princeshë./E.Ç
