Në disa punë është e ndaluar, por fundja edhe gjërat e ndaluara shijojnë! Flirtimi në ambientet e punës, ndërmjet kolegëve, pse jo edhe shefave, sipas një studimi të ri, mund të ndihmojë.
Në studim, studiuesit shikuan “sjelljet seksuale sociale jo ngacmuese në vendin e punës” dhe zbuluan se flirti i ndërsjellë dhe i lehtë midis kolegëve që nuk perceptohet si “poshtërues” ul nivelet e stresit dhe vepron si një lloj mbrojtësi kundër “stresit, tensionit në punë dhe pagjumësisë”.
Llojet e sjelljeve flirtuese të studiuara përfshinin “gjëra të tilla si shikimet dhe komplimentimi për pamjen fizike, sollën përfitime kur ata kënaqeshin”, thotë Leah Sheppard, PhD, bashkëautore e studimit për Yahoo Lifestyle.
Sheppard shton: “Është e rëndësishme të theksohet se marrëdhënia e njerëzve të përfshirë ndikon nëse këto sjellje janë të mirëpritura dhe të shijuara”.
Studiuesit vunë në dukje gjithashtu se flirtimi nuk ka të bëjë gjithmonë me interesimin romantik për një koleg, por mund të ndodhë në marrëdhëniet platonike të seksit të kundërt, si dhe midis “anëtarëve të së njëjtës gjini dhe me orientime të ndryshme seksuale”./E.Ç
